دائما كنت كذلك ................ولكن سامحنى

ساعات بنقابل ناس فى حياتنا بنحبهم ويحبونا

وبيعرفوا كل حاجه عنك وتعيش معاهم حياتك

وبياثروا فينا اوى من اقل حاجه فى تفكرينا لاكبر حاجه فى حياتنا

بس مره واحده ممكن متشوفهمش تانى

بس غصـــــــــــب عنك

وتحت الضغط من ظروف خارجه عن ارادتك الى بتجبرك على انك تبعد عنهم

ومينفعش تتواصل معاهم تانى زى الاول يمكن اقل حاجه اققولها ليهم سامحنى غصب عنى

بورسعيد.....ياهلاياهلا بيكم

السلامووو عليكوووو

اولا: ازيكوا

ثانيا: عاميلن ايه

ثالثا: اهلا بيكم

رابعا: اكيد جايين طبعا

خامسا: محدش يفكر اه ولا لا

سادسا:طبعا كل واحد عارف نفسه

سابعا : خلاص مفيش حاجه تانيه

باذن الله وان شاء الله نشوفكوا فى بورسعيد ( بلد الكفاح وابو العربي )

للقاء الخيرى والتدوينى ثانيا كما قالت الشاعره( طبعا بهزر )

نهر الحب

والى هى ليها الفضل و القائمه بعمل اللقاء

والى تقرر انه يكون يوم 12/3 الساعه 11 قبل صلاه الجمعه

واليوم هيبقى مقابله واحتفال مع اطفال يمكن ربنا خلقهم فى وسطنا علشان يحسسنا اد ايه عظمته فى خلقه لنا وتانى حاجه انه بيختبرنا فى الايمان بالله وجميع خلائقه فى دنيتا وازاى اننا نتعايش معاهم بحسن نيه محاولين من تخفيف وتقليل اى حمل زائد عليهم واسعادهم وجعل الفرحه حولهم كلما امكن

ويمكن ده من ابسط الحجات الى ممكن نعملهلم

اننا بنعملهم يوم ترفيهي عن طريق اللعب معهم

واهدائهم الالعاب البسيطه والغير معقده طبعا

وكمـــــــــــــان على راى نهر الحب

مضارب البينج بونج

شطرانج

مكعبات

كتب تلوين

صلصال

هم فى امس الحاجة لتلفزيون مستعمل

او جهاز كمبيوتر

ومظلة شمس

ان شاء الله نشوفكوا يوم الجمعه بعد تاكيد المكان والى هيكون احتمال كبير فى المدرسه ذات نفسها والى هي مدرسة الفكرية ببورفؤاد

تعالوا نشكر الله عزوجل

على نعمه التى لا تعد ولا تحصى

بأن نتذكر فضله علينا

حين نكرم او نسعد من ابتلاهم الله عزوجل

جزاكم الله خيرا وجعل الله كل لقائتنا

خالصة لوجهه الكريم

وداتليفون هيكون مفتوح يوم اللقاء ان شاء الله

0143250992

وبــــــــــــااااااااااى ونشوفكوا يوم الجمعه

كفاياكي يا مصر

كفاياكي يا مصر

انا اتاخرت فى كتابه التوبيك بس انا بجد كنت مشغول عن انى اكمله كله مره واحده

انا طول عمرى وانا بحس لبلدى مصر اجمل بلاد ارض الله بالغيره عليها ومكنش فى حاجه بتعدى عليا فيها اسم مصر مرفوع لاعلى سما وفى اعين العالم كله مروفوع اسمها والا قلبي ينبض وشرايين جسمى احس بها من شده احساسى بنارى لما اراه فيها من

استبداد / وديموقراطيه

ظلم / وعداله

تدهور / وتطور

ولما مصر كسبت فى كاس افريقيا للمره السابعه والثالثه على التوالى والناس كانت فرحانه لما حصل ده ونزلت الشارع وشوفت الى مش بشوفه دايما وهو مافيش غير حاجه واحده شايفه طول ما انا ماشى وقلى هى الون الاحمر والابيض والاسود وقلى نفسى انه يكون موجود دايما بنفس المنظر فلما كنت ببص على الناس كلها وهى ماشيه فى الشوارع مع الازدحام التام ولا فى شوارع فرعيه ولا رئيسيه من شده الفرحه فى حاجه زى الكوره وكل الناس لما تيجي تتمعن النظر بوجوههم وترى شده فرحتهم فى اعينهم فلا ترى الا اماكن الفرحه فى اعينهم لا وجود لاى احساس اخر الا الفرحه والاحساس ببلاده وكانها حته منه بس على اد الواحد ما كان مبسوط ولكن يوجد الم متسلسل لا يقدر قلبي ان ينساه حزنا على حال مصر فى كل المجالات الاخرى

انا كاتب الكلام البسيط الى تحت ده معبرا باحساسى الى دايما بحس بيه ودائما اتساله مع نفسى

مع العلم انه ليس كل ما بداخلى فهناك الكثير والكثير

الست يا مصر انت ام الدنيا مصر

فانك مصر

مصــــر

الارض التى ذكرت فى القران فهل يوجد مثيل لك

الم تكونى انتى ؟؟

الصناعه

الم تكونى انتى من دون تاريخك على اوراق البردى عن طريق يد اولادك

فانت كنت الرائده

الهندسه والعماره

الم تكونى انتى من بنى ابناءك وشيدوا اكبر بناءات العالم ولم يظهر سرعمارتها حتى الان

فانت كنت الرائده

الزراعه

الم تكونى انتى رائده الزراعه بسبب شريانك المليء بالحياه

فانت كنت الرائده

التجارة

الم تكونى رائده التجارة فى افريقيا وبلاد العرب قديم

فانت كنت الرائده

انت كنت الرائده دائما ولكنك اخفقتى فى وقت ما فى تاريخك فالى متى !!!

الم يكن اولادك هم من ذكروا فى القران بقوتهم وشجاعتهم وشهامتهم

فولد من اولادك يساوى الف مره من اخر

فلماذا لا تحافظين عليهم

الا تحاولى ان تجعليهم ان يحسوا بك

هل ستظلى تاركه حقك عليهم ولا تعطيهم اياه

الى متى الى متى يا مصر الحبيبه

لست انا من يعرف انك الحبيبه فهناك الكثير ولكن هناك كثير الكثير الذى لم يعرف موطنه وما هى مصر واين هو يعيش ولا يعرف معنى ترابك يا مصر

فلقد تنـــــــــــــــــــــــــــاسى كل ذلـــــــــــــــــــــــــــــــــــــك

اى نسوا ماهى مصــــــــــــــــــــــــــــــــــــــــــــــــــــــــر

فكم مثلهم قادمين ؟؟ الن تلحقيهم قبل ان يقدموا فلقد فاتك الكثير مثلهم !!!!

ابو العربي ...... المزيف

ابو العربي ...... المزيف

ابو العربي البورسعيدى انا بكتب الموضوع ده لانه بقى زائد عن الحد وخاصه بعد لما اتعمل فيلم اخينا هانى رمزى اى نعم الموضوع من زمان بس انا زهقت واضيقت لما اقابل اى حد من برة بورسعيد يقولى يا ابو العربي ولكن المشكله انه بيناديني يا ابو العربي مش علشان بيهزر لا فاكرنى بورسعيدى وبما انى بورسعيدي يبقى هو ابو العربي الى شافوا فى الفيلم الى هو فكره انا.

انا هبتدى الموضوع وانا واقف امام ميدان الشهداء والنصب التذكارى لشهداء المدينه الباسله بورسعيد صاحبه حصون الدفاع لارض مصر فضلا عن رجالها الى بيطلقوا عليهم ابو العربي ( وقلى مش عارفين ليه بيقولوا كدة عليه والى فهمينه غلط خالص ) و شعبها الذى كافح فى كثير من الحروب منذ نشات بورسعيد حتى حرب اكتوبر .

اولا انا هقول ليه اسمها ابو العربي وانا مفتخرا بذلك الاسم وباسم اخر اسمه السيد وموضحا اسباب انطلاقه ودا بيرجع منذ بناء مدينه بورسعيد والقائم على انها مدخل قناه السويس الشمالى ومنذ انشائها وهى محتله من البلاد الاجنبيه ابتدا من الفرنسين حتى الانجليز والعدوان الثلاثى بعدهم وكانت المعامله المقابله منهم لشعبها سيء كما هو معروف فمنذ بدايتها كان يعطى الاهل مواليدهم اسماء تعبر عن الحياه التى بحولهم فكان من ضيقهم وتعبيرا عن ما فى قلوبهم كانوا يطلقوا اسماء تعبر عن الافتخا ر وعزتهم بنفسهم والى منها اسماء زى ( العربي بمعنى انهم كانوا بيقولوا العربي دليلا افتخارا بانه عربي ويناديه امام الاجنبي المحتل مفتخرا بذالك . وزى اسم السيد كمان فكانوا يطلقوه امام الأجنبي المحتل بردوا علشان بيوضحله انه سيده مهما طال وتغيرت الاحوال .

يا جماعه خدوا بالكوا احنا بنتكلم على ناس عاشوا اكتر من القرن يعنى كان فكرهم فى التعبير عن رايهم غير دلوقتى خالص ويختلف تماما.

نيجي لحاجه تانيه بالنسبه للخيال (مش فشر هو) الى بيحط نفسه فيه الشخص الى جسدوه فى الفيلم اولا انا ممكن اتكلم من الاول عن ان بورسعيد كانت تعتمد على البحر منذ نشاتها ومكنش فيها اى نوع من انواع التجارة بالحجم ده زى ما كانت المنطقه الحرة موجودة بيها وكانت من النشاط الرئيسي هى البحر والى فيها فيها البورسعيدى الى اسمه العربي والسيد هو وابوه واولاده كمان معاه بيشوفوا السفن الى بتيجي من برة والى بيبقى عليها كا جديد من انواع سفن على تطورات على اخبار وده طبعا بالنسبه زمان كان بيبقى حاجة كبيره وحلوة جدا لما حد بيشوفها ولما بيعرف حاجة جديدة و ثانيا من جانب اخر وجود كم هائل من الصيادين وما يروة فى عالم البحر وغرائيه عن طريق الايام الى كانوا بيعدواها لمده عشرات الايام فى الرحله الواحدة فكان الواحد منهم ايا كان بقى صياد او له نشاط يجبرة بالتعامل مع السفن المارة بقناه السويس جعله ينبهر بما هو موجود بالحياه التى يراها لاول مرة من مختلف الجنسيات وهذا ما جعله ان يحكى ما راه من غرائب وعجائب عندما تيتيح له الفرصه لذلك متمتعا بوصفه وخياله الذى يضعه على ما راه فى الحقيقه وبسبب هولته واعجابه الشديد بما راه ينسجم فى شرحه مما يؤدى الى شرح واضافه كل ماهو جميل واروع مما راى للموضوع الى بيكلم عنه . وليس كما هو الان يعنى زى ما الفيلم جسده فعلا والى فعلا موجود بس بعد تغيرات على الشخص الاصلى البورسعيدى بعد تغيرات عميقه ليس بالشخصيه ولكن الانسان ككل ( هتفهموالما تقروا الى تحت)

اما بالنسيه لطريقه الكلام فهى مش زى مهى مجسده فى الفيلم ولكن البورسعيد الاصلى لهجته الاساسيه هى لهجه عاديه جدا ولكن يوجد بها نوع من الكلمات والى نابعه من التاثر من ثقافات الاحتلالات الى كانت موجوده فمثلا

فمثلا

كوبانيا - COMPANY

البوسطه - PASSENGER SHIP

بسكليتة - BICYCLE

فنش الموضوع - FINISH

فارماشيه- PHARMACY

بمبوطي - MAN BOAT

كونتراتو – CONTRACT

و

و

و الخ

تاثرت اللهجه البورسعيديه بسبب الظروف المحيطه بشعبها والتحدث بها بمعنى انه كان العاملين بالبحر بيكلموا بعض وعلشان يكلموا بعض بالعربي طبعا وكان لازم مثلا علشان لو بيكلم واحد من بعيد وشويه وبيكلمه فى وسط ظروف العمل الى هى البحر فى وسط الهواء والمسافات البعيدة الى ما بين بعضهم فلما مثلا يناديه كمان مبيناديش عادى لا بينادى وهو بيطول فى الكلام مش بيقول الكلمه كانه بيكلم عادى لا دا بيفتح فيها لغايه لما التانى يسمع صوته حتى لو بيكلموا فى حوار بين وبين بعضهم بيبقى بنفس الشكل

,

ولكن عند قدوم الاغراب الى بورسعيد بعد فتح المنطقه الحرة وخاصه الناس الى جم من المنطقه الى سمها المنزله الى هما كلهم دلوقتى فى بورسعيد ومالين الشوارع بعادتعم السيئه والغير طبيعيه نظرا لمعيشتهم الى كانوا عايشين فيها فى اراضى شيه جرداء وبيئه غير منظمه وقلى اتعلم فيهم يا اما ساب البلد الى نشاء فيها او كان ذو شخصيه غير متحضرة وباندماج الناس الى جايه من الخارج مع البيئه فى بورسعيد تم انتاج شخصيه للاسف زى ماهى موجوده فى الفيلم بس ده مش معناه انه البورسعيدى هو الشخص ده.

واثباتا لكلامى الى فوق نيجي للشخصيه المجسده فى الفيلم كان ابو العربي يعمل بمجال التجارة فى التجارى والحميدي يعنى .المنطقه الحرة فى بورسعيد من سنه 1975 يعنى من 33 سنه والى اول ما اتعملت جابت ناس معاه والى اعدين فى البلد دلوقتى والى جم اشتغلوا فى المجال الى جايين علشانه اصلا وهو التجارة والى جم من محتفظات كثيرة والقادمين بحجه التجارة فعلا وباندماجهم مع البيئه الجديدة والى انتجت الشخصيه الى موجوده دلوقتى وقلى سموها على اسم ابو العربي الاصلى والى دلوقتى مش بقى يعيش فى خيال وجمال ما كان يراه ولكن تغير وعاش فى خياله هو معبرا عن نفسه بكبرياء وعنتظه وتكبيرا لنفسه فى كل شيء ولكنه ليس البورسعيدى الصلى فمازال هناك هؤلاء الاناس البورسعيدون الاصليين والتى تمدم جزورهم منذ نشاءه بورسعيد وقبل قناه السويس ايضا منذ ما يقرب ال 300 عام اعتمادا على البحر .

دا يا جماعه اول بوست اكتبه وانشره وفعلا نابع من جوايا انا محمد ابو عجيله من على ارض بورسعيد من مصر الى موجوده فى افريقيا الى موجوده فى الارض الى موجوده فى مجرة درب التبانة الى موجوده فى عالم ربنا الواسع الى انا بنتمى اليه و ممكن لو تبوصوا كده عليا من بعيد هتلاقونى باين من وسط كل ده بنادى بصوتى

بالحريه